ہفتہ , 24 اگست 2019

امریکا: آواز کی رفتار سے پانچ گنا تیز چلنے والا میزائل تیار۔ ۔ ۔

واشنگٹن (مانیٹرنگ ڈیسک)امریکا آواز کی رفتار سے پانچ گنا تیز چلنے والا ہائپر سونگ میزائل تیار کرنے کے قریب پہنچ گیا۔امریکی حکام نے اس بات کی تصدیق کی ہے۔ امریکی فضائیہ کے حکام نے ایک تھنک ٹینک سے خطاب کرتے ہوئے کہا کہ چین اور روس سمیت دیگر ممالک کے ساتھ چلنے کی کوشش کی جارہی ہے۔

فضائی حکام کے مطابق امریکی فضائیہ کی اس وقت خلا میں اسی سیٹلائٹس موجودہیں۔ امریکی فضائی حکام کی جانب سے یہ اعلان ایسے وقت میں کیا گیا جب واشنگٹن کی جانب سے جوہری اسلحے کے پھیلاو کے کنٹرول کیلئے معاہدے سے علیحدگی کے اعلان کے بعد روسی نیا میزائل سسٹم بنانے کی رپورٹ سامنے آئی تھیں۔

اس سے پہلے روسی صدر پیوٹن نے بھی امریکا کیساتھ آئی این ایف معاہدے کی معطلی کا اعلان کیا تھا۔ معاہدے کے تحت امریکا اور روس دونوں ممالک قلیل اور درمیان فاصلے کے میزائل کی تنصیب یورپ میں نہ کرنے کے پابند تھے۔

یہ بھی دیکھیں

شامی فوج مسلسل کامیابی کی منزلیں طے کرتی جارہی ہے، بشارالاسد

دمشق (مانیٹرنگ ڈیسک)شام کے صدر بشار اسد نے کہا ہے کہ شامی فوج اور عوام …