پیر , 22 جولائی 2019

پی ایس ایل 4 کی رنگا رنگ افتتاحی تقریب آج دبئی میں سجے گی

دبئی(مانیٹرنگ ڈیسک) پی ایس ایل سیزن فور کا میلہ آج دبئی میں سجے گا جس کی رنگا رنگ افتتاحی تقریب میں عالمی شہرت یافتہ فنکار پرفارمنس پیش کریں گے۔پی ایس ایل سیزن فور کی افتتاحی تقریب میں جنون گروپ جذبوں میں جنون کے سرُ بکھیرے گا، آئمہ بیگ دلوں کے تاربجائیں گی جب کہ فواد خان ایونٹ کا ٹائٹل سانگ گا کر رنگ جمائیں گے۔ انگلش بینڈ اور امریکن ریپ اسٹار ریپر پٹبل بھی شائقین کا لہو گرمائیں گے۔

پی ایس ایل کے افتتاحی میچ میں لاہورقلندرز اور دفاعی چیمپئن اسلام آباد یونائیٹڈ مد مقابل ہوں گی، دونوں ٹیمیں کئی تبدیلیوں کے ساتھ جیت کا عزم لئے میدان میں اتریں گی، اسلام آباد یونائیٹڈ کئی بڑے نام گنوا چکی، اب فہیم اشرف، حسین طلعت، آصف علی اور شاداب خان پر انحصار ہوگا۔

واضح رہے کہ ایونٹ میں مجموعی طور پر 34 میچز کھیلیں جائیں گے، دبئی، ابوظہبی اور شارجہ میں 26 میچزجب کہ فائنل سمیت 5 میچز کراچی کے نیشنل اسٹیڈیم اور 3 میچز لاہور کے قذافی اسٹیڈیم میں ہوں گے۔

یہ بھی دیکھیں

ورلڈ کپ فائنل میں اللہ ہمارے ساتھ تھا، اوئن مورگن

تفصیلات کے مطابق ورلڈ چیمپئن بننے کے بعد جب انگلش ٹیم کے کپتان اوئن مورگن …