ڈونلڈ ٹرمپ نے داعش کے دہشتگردوں کو رہا کرنے کی دھمکی دیدی

واشنگٹن(مانیٹرنگ ڈیسک) امریکی صدر ڈونلڈ ٹرمپ نے دھمکی دی ہے کہ یورپی ممالک شام میں گرفتار یورپ سے تعلق رکھنے ولے داعش کے دہشتگردوں کو اپنے ملک لے جا کر مقدمہ چلائیں، ورنہ امریکا انہیں رہا کر دے گا۔امریکی صدر ڈونلڈ ٹرمپ کی یورپی ممالک کو دھمکی، ٹویٹ کیا کہ فرانس، جرمنی اور برطانیہ سمیت دیگر یورپی ممالک شام میں گرفتار آٹھ سو سے زائد داعش کے دہشت گردوں کو اپنے ملک لے جا کر مقدمہ چلائیں، ورنہ امریکا انہیں رہا کر دے گا۔

صدر ٹرمپ نے سوشل میڈیا پر یورپی ممالک کو خبردار کرتے ہوئے کہا کہ امریکا یہ نہیں چاہتا کہ دہشت گرد آزاد ہو کر یورپی ممالک میں گھس جائیں۔ امریکی صدر نے ٹویٹ کیا کہ اب وقت آ گیا ہے کہ دہشتگردی کے خلاف سب اپنا کردار ادا کریں، امریکا پہلے ہی بہت کچھ کر چکا ہے۔