پاک بھارت کشیدگی، امن و سلامتی کیلئے مذاکرات ہی واحد راستہ ہیں، کینیڈین وزارت خارجہ

اوٹاوا (مانیٹرنگ ڈیسک) کینیڈین وزارت خارجہ نے پاک بھارت کشیدگی پر اظہار تشویش کرتے ہوئے کہا ہے کہ خطے میں امن و سلامتی کےلیے مذاکرات ہی واحد حل ہیں۔تفصیلات کے مطابق امریکی محکمہ دفاع (پینٹاگون) نے پاکستان و بھارت کی موجودہ صورت حال پر گہری تشویش کا اظہار کرتے ہوئے کہا ہے کہ دونوں ممالک تحمل کا مظاہرہ کریں اور فوجی کارروائیوں سے گریز کریں۔

کینیڈین وزارت خارجہ کا کہنا ہے کہ دہشت گردی کے خلاف جنگ میں دونوں ممالک کے ساتھ ملکر لڑنے کو تیار ہیں، امید ہے پاک بھارت کشیدگی جلد ختم ہوجائے گی۔خیال رہے کہ گزشتہ روز پاکستان ایئرفورس نے سرحدی حدود کی خلاف ورزی کرنے والے 2 بھارتی طیارے مار گرائے ہیں۔

پاک فوج کے شعبہ تعلقات عامہ آئی ایس پی آر کے سربراہ میر جنرل آصف غفور کے مطابق بھارت کے 2 طیارے لائن آف کنٹرول کے اطراف میں گر کر تباہ ہوئے ہیں۔ ایک طیارہ بھارتی مقبوضہ کشمیر کے علاقے بڈگام میں گرا، جبکہ دوسرا طیارہ پاکستان کی جانب گرا ہے۔ڈی جی آئی ایس پی آر کے مطابق بھارتی علاقے میں گرنے والے طیارے کے دونوں پائلٹ موقع پر ہی جاں بحق ہوگئے ہیں جبکہ پاکستانی علاقے میں گرنے والے جہاز کے ایک پائلٹ کو حراست میں لے لیا گیا ہے۔