اسرائیلی پولیس نے مسجد اقصیٰ کے محافظ کو حراست میں لے لیا

مقبوضہ بیت المقدس (مانیٹرنگ ڈیسک) اسرائیلی پولیس نے جمعرات کے روزایک کارروائی کے دوران مسجد اقصیٰ کے ایک محافظ کو مسجد سے باہر نکلتے ہوئے حراست میں لے لیا۔ فلسطینی محکمہ اوقاف کے ترجمان فراس الدبس نے بتایا کہ صہیونی پولیس نے قبلہ اول کے محافظ علی احمد کو باب الاسباط سے باہر آتے ہوئے گرفتار کیا جس کے بعد انہیں ایک مقامی حراستی مرکزمنتقل کر دیا گیا ہے۔

علی حمد کی گرفتاری ایک ایسے وقت میں عمل میں لائی گئی ہے جب دوسری جانب صہیونی فوج نے محکمہ اوقاف کے عہدیداروں کی بڑی تعداد کو حراست میں لے رکھا ہے۔حال ہی میں اسرائیلی فوج اور نے مسجد اقصیٰ کے ‘باب رحمت’ میں گھس کر وہاں پر موجود فلسطینی نمازیوں کو تشدد کا نشانہ بنایا تھا جس کے بعد فلسطین بھرمیں صہیونی ریاست کے خلاف غم وغصے کی لہر دوڑ گئی تھی۔