پیر , 20 مئی 2019

کچی آبادیوں میں رہنے والوں کو فلیٹس بنا کر دیں گے: وزیر اعظم عمران خان

اسلام آباد(مانیٹرنگ ڈیسک) وزیر اعظم عمران خان نے کچی آبادیوں کے مکینوں کے لیے فلیٹس کی تعمیر کا اعلان کر دیا.ان خیالات کا اظہار انھوں نے کم لاگت گھروں کے منصوبے سے متعلق تقریب سے خطاب کرتے ہوئے کیا. ان کا کہنا تھا کہ پہلے دن سے ہماری حکومت کی سوچ ہے کہ نچلے طبقے کو اوپر لانا ہے.

انھوں‌نے کہا کہ پہلے انسان کا ذہن تبدیل ہوتا ہے، پھر سوچ آتی ہے، موجودہ حکومت کی سوچ گزشتہ حکومتوں سے الگ ہے، ہماری پالیسیوں کامحورغربت کاخاتمہ ہے، چین کے تجربے سے پاکستان میں غربت کا خاتمہ چاہتے ہیں.وزیراعظم عمران خان نے کہا کہ کم لاگت مکانات کی تعمیر غربت کے خاتمےکے پروگرام کاحصہ ہے، پاکستان میں آبادی کا بڑا حصہ اپنا گھر نہیں خرید سکتا، پالیسیاں تبدیل نہیں کریں تو تھوڑا طبقہ ہی اچھے گھروں میں رہ سکے گا.

ان کا کہنا تھا کہ اس ہاؤسنگ اسکیم کا بنیادی مقصد رقم سے محروم افراد کومکان کی فراہمی ہے، کسانوں کے لئے بھی قرضوں کی فراہمی کا انتظام کیا گیا ہے، نئی پالیسی کےتحت چھوٹے کسانوں کو آسان نرخوں پر قرضہ ملے گا، اسٹیٹ بینک تیس لاکھ روپےلاگت کے گھروں کی تعمیر میں نوے فیصد قرض دے گا۔

وزیر اعظم کا کہنا تھا کہ شہروں میں موجود کچی آبادیوں کے لئے آج تک کسی نے نہیں سوچا، کچی آبادیوں میں رہنے والوں کو فلیٹس بنا کر دیں گے، پاکستان میں کم لاگت مکانات کی تعمیر کے لئے فنانسنگ کی شرح 0.2 فیصد ہےشہروں کو پھیلنے کے بجائے اوپر کی طرف لے کر جائیں گے.

انھوں نے کہا کہ کچی آبادیوں میں نجی سیکٹر کے لئے ذریعے جدید تعمیرات کرائیں گے، اسلام آباد کی سب سے پہلے صفائی کریں گے، پھر اسے ماڈل شہر بنائیں گے، کمرشل علاقوں میں بلند وبالا عمارتوں کی اجازت دیں گے.کمرشل عمارتیں جتنی چاہیں اونچی کرلیں اجازت ہوگی۔۔ کچی آبادیوں کو کثیرالمنزلہ عمارتوں میں بدلنے کا منصوبہ ہے۔غریبوں کو صرف گھر ہی نہیں ملے گا،چالیس صنعتیں بھی چلیں گی۔

یہ بھی دیکھیں

وزارت پوسٹل کے ملک بھر میں قائم ریسٹ ہاوسز عوام کیلئے کھول دیے گئے

اسلام آباد (مانیٹرنگ ڈیسک) وزارت پوسٹل کے ملک بھر میں قائم ریسٹ ہاوسز کو عوام …