پیر , 24 جون 2019

غزہ میں انتشار :فلسطینی اتھارٹی کی منظم سازش ناکام: حماس

مقبوضہ بیت المقدس (مانیٹرنگ ڈیسک)اسلامی تحریک مزاحمت ‘حماس’ نے کہا ہے کہ فلسطین کے علاقے غزہ کی پٹی میں رام اللہ اتھارٹی نے انتشار پھیلانے کی منظم کوشش کی تھی مگر فلسطینی قوم اور حماس نے مل کر فلسطینی اتھارٹی کی سازش ناکام بنا دی۔ حماس کی طرف سے جاری ایک بیان میں کہا گیا ہے کہ غزہ میں انتشار پھیلانے کا منصوبہ رام اللہ اتھارٹی کے انٹیلی جنس چیف ماجد فرج نے تیار کیا تھا جسے فلسطینی اتھارٹی کی مکمل سرپرستی اور حمایت حاصل تھی۔

بیان میں کہا گیا ہے کہ فلسطینی اتھارٹی نے غزہ میں عوام کو ایک دوسرے کے خلاف لڑانے اور غزہ میں حق واپسی اورانسداد ناکہ بندی غزہ مظاہروں کو ناکام بنانے کی منظم سازش کی گئی تھی مگر حماس نے اس سازش کو کچل دیا۔حماس نے فلسطینی اتھارٹی کی داخلی پالیسی کو شدید تنقید کا نشانہ بنایا اور کہا کہ فلسطینی اتھارٹی قومی مفاہمت کے بجائے آمرانہ سیاست پر چل رہی ہے۔ غزہ میں عوام کو فلسطینی مزاحمتی قوتوں کے خلاف اکسانے کی سازش میں فلسطینی اتھارٹی کا ہاتھ تھا جو غرب اردن میں اسرائیلی فوج کے ساتھ مل کر جارحانہ اقدامات کر رہی ہے۔

یہ بھی دیکھیں

سونا، غیر ملکی کرنسی کی برآمدگی کیلئے ایف بی آر کو گھروں پر چھاپے مارنے کا اختیار

اسلام آباد: مالی سال 20-2019 کے فنانس بل کی منظوری کے بعد فیڈرل بورڈ آف …