جمعرات , 13 مئی 2021

مشرق وسطی میں ناپاک امریکہ عزائم کبھی پورے نہیں ہوں گے، خطیب جمعہ تہران

تہران (مانیٹرنگ ڈیسک)تہران کے خطیب جمعہ آیت اللہ سید احمد خاتمی نے کہا ہے، مشرق وسطی میں امریکہ کے ناپاک عزائم کبھی پورے نہیں ہوں گے۔ تہران کی مرکزی نمازجمعہ کے عظیم الشان اجتماع سے خطاب کرتے ہوئے آیت اللہ سید احمد خاتمی نے کہا کہ نئے مشرق وسطی کے امریکی منصوبے کا مقصد عراق، شام اور لبنان پر تسلط قائم کرنا تھا لیکن ایسا نہیں ہوا۔

انہوں نے ایران کی مسلح افواج کے سربراہ کے حالیہ دورہ شام کا ذکر کرتے ہوئے کہا کہ اس دورے کے نتیجے میں خطے میں مزاحمتی محاذ کو مزید تقویت ملے گی اور سامراجی طاقتوں کی موجودگی کا خاتمہ ہو جائے گا۔ تہران خطیب جمعہ نے نیوزی لینڈ کے شہرکرائسٹ چرچ کی مساجد پر دہشت گردانہ حملے کی جانب اشارہ کرتے ہوئے کہا کہ یہ واقعہ مغربی ملکوں کی جانب سے پھیلائے جانے والے اسلاموفوبیا کا نتیجہ ہے۔

آیت اللہ سید احمد خاتمی نے اکیس مارچ سے شروع ہونے والے نئے ایرانی سال کو، رہبرانقلاب اسلامی کی جانب سے فروغ پیداوار کا سال قرار دیئے جانے کا خیر مقدم کرتے ہوئے کہا کہ ملکی پیداوار کو فروغ دینے کے لیے غیر ضروری اشیا کی درآمدات کو کنٹرول کرنا ہو گا۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …