جمعہ , 19 اپریل 2019

جرمنی: دہشت گرد حملے کی منصوبہ بندی کرنے والے 10 انتہا پسند گرفتار

برلن(مانیٹرنگ ڈیسک) جرمن پولیس نے دہشت گرد حملے کی منصوبہ بندی کرنے والے 10 انتہا پسندوں کو گرفتار کرکے اسلحہ و مسروقہ سامان برآمد کرلیا۔ڈیلی میل کی رپورٹ کے مطابق جرمن پولیس نے فرینک فرٹ کے علاقے میں کامیاب کارروائی کرتے ہوئے دہشت گردی کی منصوبہ کرنے والے 10 انتہا پسندوں کو گرفتار کرلیا، ملزمان کی عمریں 20 سے 42 برس کے درمیان بتائی جاتی ہیں۔جرمن حکومت کی جانب سے گرفتار ملزمان کی شہریت اور نام ظاہر نہیں کیے گئے ہیں، پولیس نے ملزمان کے قبضے سے اسلحہ، چھریاں، 20000 یورو کی رقم اور الیکٹرانک ڈیوائس برآمد کرلی۔

واضح رہے کہ 2016 میں جرمنی کے دارالحکومت برلن کی کرسمس مارکیٹ میں دہشت گردوں کے حملے کے نتیجے میں 12 افراد ہلاک ہوگئے تھے جس کی ذمہ داری دہشت گرد گروپ نے قبول کی تھی۔چار روز قبل اٹلی میں اسکول بس ہائی جیک کرنے میں ناکامی پر دہشت گرد نے اسکول وین کو آگ لگادی تھی جس کے نتیجے میں 12 بچے جھلس گئے تھے۔بس ڈرائیور کے خلاف ماضی میں بھی جرائم میں ملوث ہونے کے مقدمات درج تھے، نشے میں دھت گاڑی چلانے پر جرمانہ بھی ہوچکا ہے۔یاد رہے کہ گزشتہ سال اکتوبر میں جرمن پولیس نے خفیہ اطلاعات پر چھاپہ مار کارروائی کرتے ہوئے نیو نازی گروپ کے 7 دہشت گردوں کو گرفتار کیا تھا، مذکورہ افراد نے 3 اکتوبر کو حملوں کی منصوبہ کی ہوئی تھی۔

یہ بھی دیکھیں

ڈنمارک : فلسطینی اسیران کے حق میں انسانی حقوق گروپ کی ریلی

ڈنمارک (مانیٹرنگ ڈیسک)یورپی ممالک میں انسانی حقوق کے لیے کام کرنے والے ایک گروپ کی ...