جمعرات , 25 اپریل 2019

جرمنی میں فلسطینی اسیران کے ساتھ اظہار یکجہتی کے لیے مظاہرہ

برلن (مانیٹرنگ ڈیسک)جرمنی میں انسانی حقوق کی تنظیموں اور فلسطینی کمیونٹی کے زیر اہتمام اسرائیلی زندانوں میں قید فلسطینیوں کے ساتھ اظہار یکجہتی کے لیے مظاہرہ کیا گیا۔ برلن میں ‘ھیرمن پلاٹز’ اسکوائر میں ہونے والے مظاہرے میں سیکڑوں شہریوں نے شرکت کی۔ مظاہرین نے ہاتھوں میں پلے کارڈ اور بینر اٹھا رکھے تھے جن پر اسرائیلی جیلوں میں قید فلسیطنیوں کے ساتھ اظہار یکجہتی کے لیے نعرے درج تھے۔ مظاہرین نے ‘الکرامہ 2’ کےعنوان سے بھوک ہڑتال کرنے والے اسیران کے ساتھ خاص طور پر یکجہتی کا اظہار کیا۔

اس موقع پر مظاہرین نے فلسطینی اسیران کی حمایت اور ان کی صہیونی زندانوں سے رہائی کے لیے نعرے لگائے۔مظاہرین نے جرمن حکومت پر زور دیا کہ وہ فلسطینی اسیران کے حقوق کے حوالے سے جاندار اور موثر کوششیں کرے اور اسرائیل کی طرف داری بند کرے۔

یہ بھی دیکھیں

صدی کی ڈیل اور متبادل وطن صہیونی جھانسے ہیں : الحیہ

مقبوضہ بیت المقدس (مانیٹرنگ ڈیسک)اسلامی تحریک مزاحمت ‘حماس’ کے سیاسی شعبے کے سینیر رکن خلیل …