جمعہ , 19 جولائی 2019

امریکی رکن کانگریس نے ٹرمپ کو القاعدہ کا سب سے بڑا حامی قرار دے دیا

واشنگٹن (مانیٹرنگ ڈیسک)امریکی ایوان نمائندگان کی رکن ٹلسی گیبرڈ نے صدر ٹرمپ کو دہشت گرد گروہ القاعدہ کا سب سے بڑا حامی قرار دے دیا۔ٹلسی گیبرڈ نے کانگریس کی مسلم رکن الہان عمر کے خلاف ٹرمپ کے حالیہ بیان کو دوغلے پن کا واضح ثبوت قرار دیتے ہوئے کہا ہے کہ امریکی صدر شام میں القاعدہ کے سب سے بڑے محافظ بنے ہوئے ہیں۔ٹرمپ نے جمعے کے روز ایک ایڈٹ شدہ ویڈیو کلپ جاری کر کے الہان عمر پر گیارہ ستمبر کے واقعے میں مارے جانے والوں کو نظر انداز کرنے کا الزام عائد کیا تھا۔

ٹلسی گیبرڈ نے مزید کہا کہ ٹرمپ القاعدہ کے اصل حامی ملک سعودی عرب کی مسلسل حمایت کر رہے ہیں۔ انہوں نے کہا کہ سعودی عرب نے دنیا بھر میں انتہا پسندانہ نظریات کی ترویج کے لیے اربوں ڈالر خرچ کیے ہیں۔امریکی ٹیلی ویژن سی این این نے بھی حال ہی میں نشر ہونے والی ایک رپورٹ میں بتایا تھا کہ سعودی اتحاد امریکہ کی جانب سے دیئے جانے والے ہتھیار اور فوجی ساز و سامان القاعدہ اور دوسرے دہشت گرد گروہوں کو ارسال کر رہا ہے۔

وہابیت اور تکفیریت کے سرچشمے کی حیثیت سے آل سعود حکومت دہشت گردوں کی پرورش اور دنیا کے مختلف ملکوں میں دہشت گرد برآمد کرنے والی حکومت شمار ہوتی ہے۔

یہ بھی دیکھیں

طالبان نے وردک میں درجنوں طبی مراکز بند کرادیئے

افغانستان میں غیرملکی این جی او کےتحت چلنے والے درجنوں طبی مراکز طالبان نے بند …