جمعہ , 20 ستمبر 2019

’وزرائے اعلیٰ پنجاب اور خیبر پختونخوا کو بدلنے کی بات زیر غور نہیں‘شہباز گل

لاہور(مانیٹرنگ ڈیسک) ترجمان وزیراعلیٰ پنجاب ڈاکٹر شہباز گل نے کہا ہے کہ سردار عثمان بزدار اور خیبر پختونخوا کے چیف منسٹر محمود خان کو بدلنے کی کوئی بات زیر غور نہیں ہے۔تفصیلات کے مطابق وزیراعلیٰ پنجاب کے ترجمان ڈاکٹر شہباز گل نے عثمان بزدار اور کے پی کے وزیراعلیٰ محمود خان کو تبدیل کرنے کی خبروں میں کوئی صداقت نہیں ہے۔

سماجی رابطوں کی ویب سائٹ ٹویٹر پر جاری اپنے بیان میں ڈاکٹر شہباز گل نے لکھا کہ ان کا وزیراعظم عمران خان سے رابطہ ہوا ہے جس میں انہوں نے دونوں وزیرائے اعلیٰ کو تبدیل کرنے کی باتوں کی نفی کی ہے۔

ڈاکٹر شبہاز گل نے کہا کہ اپنے کپتان عمران خان سے بات کرنے کے بعد اور ان کی اجازت سے یہ بتانا چاہتا ہوں کہ وزیراعلیٰ پنجاب یا وزیراعلیٰ خیبر پختونخوا کو بدلنے کی کوئی بات زیر غور نہیں ہے۔ دونوں وزرائے اعلیٰ کو وزیراعظم کا مکمل اعتماد حاصل ہے۔

یہ بھی دیکھیں

وفاقی کابینہ میں ردوبدل کا فیصلہ، پرویز خٹک کو وزیر داخلہ بنانے کا امکان

اسلام آباد(مانیٹرنگ ڈیسک) وزیر اعظم عمران خان نے ایک مرتبہ پھر وفاقی کابینہ میں ردوبدل …