پیر , 20 مئی 2019

ایران مخالف امریکی پابندیاں عوام دشمنی ہیں، روس

ماسکو (مانیڑنگ ڈیسک)روس نے ایرانی تیل کی فروخت پر امریکی پابندیوں کو عوام دشمنی قرار دیا ہے۔روسی وزارت خارجہ کی ترجمان ماریا زاخا رووا نے نیوز ایجنسی ارنا کو انٹرویو دیتے ہوئے کہا کہ امریکہ طویل عرصے سے ایرانی عوام سے دشمنی اور ان پر دباؤ ڈالنے کی پالیسی پر عمل پیرا ہے۔انہوں نے کہا کہ امریکہ کے حالیہ اقدام کو الگ نہیں سمجھنا چاہیے بلکہ سپاہ پاسداران کو دہشت گردوں کی فہرست میں شامل کرنا بھی ایران کی حکومت اور عوام کو نشانہ بنانے کی امریکی پالیسی کا حصہ ہے۔

روسی وزارت خارجہ کی ترجمان نے کہا کہ ایران جامع ایٹمی معاہدے پر بدستور عمل کر رہا ہے لیکن ایسا دکھائی دیتا ہے کہ تہران جو بھی کرلے اسے آخر کار امریکہ کے مخاصمانہ اقدامات کا سامنا کرنا پڑے گا۔

یہ بھی دیکھیں

امریکہ میں وینزویلا کے سفارت خانے پر قبضے کے خلاف احتجاج

واشنگٹن (مانیٹرنگ ڈیسک)وینزویلا کے سفارت خانے کو قبضہ میں لینے کے خلاف وائٹ ہاؤس کے …