اتوار , 16 مئی 2021

وقت سے پہلے بالوں میں سفیدی کی وجوہات

اسلام آباد(مانیٹرنگ ڈیسک)بال سفید ہونا بڑھتی ہوئی عمر کا حصہ ہے لیکن بعض افراد کے بال وقت سے پہلے ہی سفید ہونے لگتے ہیں جس کی وجہ سے وہ پریشانی کا شکار ہوجاتے ہیں۔دراصل ہمارے طرز زندگی میں کچھ ایسے معمولات شامل ہوتے ہیں جو صحت کو نقصان پہنچانے کے ساتھ بالوں کو بھی سفید کردیتے ہیں۔ آئیں آج جانتے ہیں بالوں کو قبل از وقت سفید کرنے والی وجوہات کیا ہیں۔

فضائی آلودگی
آپ کے لیے یہ بات باعث حیرت ہوگی کہ فضائی آلودگی آپ کے بالوں کو سفید کرسکتی ہے۔ فضا میں موجود زہریلے اجزا بالوں کو رنگ دینے والے عنصر میلانین کو نقصان پہنچاتے ہیں جس کے باعث بال سفید ہونے لگتے ہیں۔

ذہنی تناؤ
اسٹریس، ڈپریشن اور ذہنی تناؤ بالوں کو سفید کرنے والی سب سے عام وجہ ہے۔ ذہنی تناؤ کا سب سے پہلا اثر بالوں کی سفیدی کی صورت میں دکھائی دیتا ہے۔

سگریٹ نوشی
سگریٹ نوشی بھی بال سفید کرنے کا اہم سبب ہے، اگر آپ سگریٹ نہیں پیتے لیکن سگریٹ کے دھوئیں میں وقت گزارتے ہیں تب بھی آپ کے بال سفید ہوسکتے ہیں۔

ہارمونز کی تبدیلیاں
جسم میں ہارمونل تبدیلیوں کے ساتھ بالوں کی رنگت میں بھی فرق آجاتا ہے۔ یہ عمل عموماً 30 سال کی عمر کے بعد انجام پاتا ہے۔

غیر متوازن غذا
غیر متوازن اور ناقص غذائیں بھی آپ کو وقت سے پہلے بوڑھا بنا سکتی ہیں۔ آپ کی غذا میں وٹامن بی 12 کی عدم موجودگی آپ کے بالوں کو روکھا، بے جان اور سفید بنا سکتی ہے۔

قوت مدافعت کو کمزور بنانے والی بیماریاں
ایسی بیماریاں جن سے آپ کی قوت مدافعت کمزور ہو بھی آپ کے بالوں کو سفید کرسکتی ہیں۔ ان بیماریوں میں نزلہ اور سائنس سرفہرست ہیں۔

والدین کے بال جلد سفید ہونا
اگر آپ کی والدہ یا والد کے بال جلدی سفید ہوگئے تھے تو اس بات کا قوی امکان ہے کہ آپ کے بال بھی عمر سے پہلے سفید ہوجائیں گے۔

یہ بھی دیکھیں

غرب اردن کو اسرائیل کے لئے جہنم بنادیں گے: الاقصی بریگیڈ

غرب اردن: فتح تنظیم کی فوجی شاخ الاقصی بریگیڈ نے اپنے ماتحت مسلح دستوں سے …