ترک وزیر خارجہ کی عراقی وزیر اعظم سے ملاقات

بغداد (مانیٹرنگ ڈیسک)عراق کے دارالحکومت بغداد میں ترکی کے وزير خارجہ مولود چاوش اوغلو نے عراقی وزیر اعظم عادل عبدالمہدی سے ملاقات اور گفتگو کی۔ اس ملاقات میں فریقین نے باہمی تجارتی اور اقتصادی تعلقات کے بارے میں تبادلہ خیال کیا۔ ترک وزير خارجہ نے اپنے ایک ٹوئیٹر بیان میں کہا ہے کہ ترکی عراق کے ساتھ تجارت کا حجم 20 ارب ڈالر تک بڑھانا چاہتا ہے۔