پیر , 10 مئی 2021

ایران:”صدی کی واپسی” کے عنوان سے ‘عالمی القدس ورکشاپ’ کا انعقاد

تہران (مانیٹرنگ ڈیسک)ایران کے مشرقی شہر مشہد میں بین الاقوامی ڈیزائن ورکشاپ برائے القدس کے حوالے سے ‘صدی کی واپسی’ کے عنوان سے بین الاقوامی ورکشاپ کا انعقاد کیا گیا۔مشہد میں منعقدہ القدس ڈیزائن ورکشاپ آئندہ ہفتے کے روز تک جاری رہے گی۔ کانفرنس میں اسلامی تحریک مزاحمت ‘حماس’ کے مرکزی رہ نما اسامہ حمدان شرکت کریں‌ گے۔

ایران میں قائم فیڈریشن برائے اتحاد امت کے سیکرٹری جنرل علی رضا کمیلی نے بتایا کہ القدس ورکشاپ میں بیت المقدس کے حوالے سے 65 مختلف خاکے اور ڈیزائن کردہ پینٹنگز پیش کی جائیں گی۔ ورکشاپ میں الجزائر، فلسطین، شام، عراق، بحرین، افغانستان، ایران، بھارت اور پاکستان سے بھی ماہرین شرکت کریں‌ گے۔

علی رضا کمیلی کا کہنا تھا کہ 35 ایرانی خاکہ ساز بھی شرکت کر رہے ہیں۔ اس موقع پر 40 بہترین پینٹنگز کو عالمی یوم القدس اور النکبہ کے حوالے سے عالمی سطح پر ہونے والی تقریبات اور سرگرمیوں میں پیش کیا جائے گا۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …