پیر , 17 مئی 2021

صدر طیب اردوگان نے ملک کی سب سے بڑی مسجد کا افتتاح کر دیا

انقرہ(مانیٹرنگ ڈیسک) ترک صدر طیب اردوگان نے ترکی کی سب سے بڑی مسجد کا افتتاح کردیا،سلجوق اور عثمانیہ طرز تعمیر کی شاہکار مسجد جمیلیہ کے گنبد نفیس خطاطی کا نمونہ ہیں۔تفصیلات کے مطابق ترک صدر طیب اردوگان نے ترکی کی سب سے بڑی مسجد کا افتتاح کردیا،استنبول میں قائم جمیلیہ نامی مسجد بیک وقت74ہزار نمازیوں کو اپنے دامن میں سمیٹ سکتی ہے،سلجوق اور عثمانیہ طرز تعمیر کی شاہکار مسجد جمیلیہ کے گنبد نفیس خطاطی کا نمونہ ہیں،مسجد کی تعمیر کا آغاز 2013 میں کیا گیا تھا۔

عثمانیہ طرزتعمیر کی خوبصورتی اور ہاتھ سے بُنے دبیز قالینوں سے آراستہ مسجد کے افتتاح پر بوسنیا ہرزے گووینا، سینیگال اور گنی کے باشندوں نے بھی مسجد میں پہلی بار ہونے والی نماز جمعہ ادا کی،مسجد کے افتتاح کے موقع پر ترک صدر نے مساجد اور گرجوں پر حملوں کی مذمت کرتے ہوئے کہا کہ عبادت گاہوں پر حملے کرنے والے یکساں سیاہ ذہنیت کے حامل ہوتے اور قابل مذمت ہیں۔

یہ بھی دیکھیں

سمندری طوفان پاکستان کی جانب بڑھنے لگا، ٹھٹہ میں تیز ہوائیں چلنا شروع

کراچی: سمندری طوفان تاؤتے بھارت کے ساحلوں سے ٹکراتا ہوا پاکستان کی جانب بڑھنے لگا …