وفاقی پولیس میں نئی بھرتیوں پر پابندی ختم، نوٹیفکیشن جاری

اسلام آباد(مانیٹرنگ ڈیسک) وفاقی پولیس میں نئی بھرتیوں پر عائد پابندی کو ختم کر دیا گیا۔ کابینہ ڈویژن کی طرف سے نئی بھرتیوں کے لیے نوٹیفکیشن بھی جاری کر دیا گیا۔ وفاقی دارالحکومت کی پولیس میں 1262 اہلکاروں کو بھرتی کیا جائے گا۔ نوٹیفکیشن کے مطابق اے ایس آئی کے عہدے پر بھی امیدوار بھرتی کیے جائیں گے۔کابینہ ڈویژن کی طرف سے جاری کیے گئے نوٹیفکیشن کے مطابق نئی بھرتیوں میں 1156 افراد کو کانسٹیبل کے عہدے پر بھرتی کیا جائے گا۔