ہفتہ , 17 اپریل 2021

بیروت: اقوام متحدہ دفتر کے باہر فلسطینی پناہ گزینوں کے حق میں مظاہرہ

بیروت (مانیٹرنگ ڈیسک)لبنان کے دارالحکومت بیروت میں اقوام متحدہ کے علاقائی دفتر کے باہر فلسطینی شہریوں‌ نے ‘حق واپسی’ کے لیے مظاہرہ کیا۔ مظاہرے میں فلسطینی پناہ گزینوں اورمقامی شہریوں کی بڑی تعداد نے شرکت کی۔ یہ مظاہرہ فلسطین میں یوم النکبہ کے 71 سال پورے ہونے اور فلسطین پر صہیونی ریاست کے قبضے کی مناسبت سے کیا گیا۔ عوامی محاذ کے سیاسی شعبے کی رُکن خالدات حسین نے کہا کہ ہم امریکی ۔ صہیونی پروگرام اور عالمی سازشوں کا سامنا ہے۔ امریکا اور صہیونی مل کر قضیہ فلسطین کے خلاف اپنی سازشوں کو آگے بڑھا رہے ہیں۔

خیال رہے کہ پاپولر فرنٹ فلسطین کی سیاسی اور عسکری تنظیم ہے جو تنظیم آزادی فلسطین کا حصہ ہے۔ خالدات حسین کا کہنا تھا کہ امریکی صدر ڈونلڈ ٹرمپ کی سازش کے خلاف صرف زبانی بیان بازی کے بجائے عملی اقدامات کیے گئے ہیں۔خیال رہے کہ امریکا کی طرف سے صدی کی ڈیل کے عنوان سے فلسطین ۔ اسرائیل تنازع کے حل کے لیے ایک نئی اسکیم جاری کی گئی ہے۔ اس منصوبے کی تفصیلات سامنے نہیں آئیں‌ مگر اس میں فلسطینی مملکت کو تسلیم کرنے کی کوئی تجویز شامل نہیں۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …