عراق کو ملکی تعمیر نو اور ترقی پر توجہ مبذول کرنی چاہیے،عراقی وزیرخارجہ

بغداد(مانیٹرنگ ڈیسک)عراق کے وزیر خارجہ محمد علی الحکیم نے کہا ہے کہ عراق کو خطے میں کسی قسم کی کشیدگی ،تناؤ اور جنگ کا حصہ نہیں بننا چاہیے۔ حکیم نے کہا کہ آج عراق سب کے لئے رابطہ اور گفتگو کی جگہ بنا ہوا ہے اور عراق کو ملکی تعمیر نو اور ترقی پر توجہ مبذول کرنی چاہیے اور خطے میں کسی جنگ اور کشیدگی کا حصہ نہیں بننا چاہیے۔عراقی وزیر خارجہ نے خطے میں پائدار امن و ثبات پر تاکید کرتے ہوئے کہا کہ خطے میں امن و ثبات سب کے لئے مفید ہے۔