منگل , 17 ستمبر 2019

ایرانی قوم مضبوط عزم و ارادے سے امریکہ کو شکست دے گی: حسن روحانی

تہران (مانیٹرنگ ڈیسک)اسلامی جمہوریہ ایران کے صدر نے اس جانب اشارہ کرتے ہوئے کہ ایرانی قوم کبھی بھی منہ زوروں کے سامنے تسلیم نہیں ہوئی کہا کہ ایرانی قوم مذاکرات اور منطق پر یقین رکھتی ہے تاہم وہ جو یہ دعوی کرتے ہیں کہ ایران کو مذاکرات کی میز پر لائیں گے جھوٹ بولتے ہیں۔

اسلامی جمہوریہ ایران کے صدر حسن روحانی نے کل رات ہنر و فن و ثقافت سے تعلق رکھنے والی شخصیات کے ساتھ ملاقات کے موقع پر کہا کہ ایرانی قوم اس قسم کے مذاکرات کیلئے تیارنہیں ہے حتی کہ اگر دنیا کی تمام بڑی طاقتیں ایک ہو جائیں۔صدر مملکت نے اس جانب اشارہ کرتے ہوئے کہ اسرائیل اور 3 سے 4 ممالک کے علاوہ دنیا میں کوئی بھی امریکہ کی باتوں کی تائید و تصدیق نہیں کرتا کہا کہ ایرانی قوم دشمن کو شکست دے گی۔

ایران کے صدر نے اس سے قبل بھی اس بات پر تاکید کرتے ہوئے کہ ایرانی قوم دشمن کی جارحیت اور منہ زوری کے مقابلے میں کسی بھی طور سر تسلیم خم نہیں کرے گی کہا کہ ایرانی قوم اپنے عزم و ارادے سے امریکہ کو شکست دے گی۔واضح رہے کہ امریکی صدر ٹرمپ نے بدھ کے روز دعوی کیا تھا کہ ایران جلد ہی امریکہ کے ساتھ گفتگو کرے گا۔

یہ بھی دیکھیں

No Deal,No Compromise احتساب کا عمل اسی طرح جاری رہے گا: وزیراعظم عمران خان

اسلام آباد(مانیٹرنگ ڈیسک) وزیراعظم نے کسی ڈیل کے امکان کو ایک بار پھر مسترد کر …