ہفتہ , 21 ستمبر 2019

سعودی عرب، علاقے میں ایران مخالف اتحاد تشکیل دینے کی کوشش کر رہا ہے؛حشمت اللہ فلاحت پیشہ

تہران (مانیٹرنگ ڈیسک)ایرانی پارلیمنٹ کے قومی سلامتی اور خارجہ پالیسی کمیشن کے سربراہ نے بغداد میں امریکی سفارت خانے کے قریب راکٹ حملے اور علاقے کے حالیہ واقعات کا جائزہ لینے کے لئے ہنگامی اجلاس میں شرکت کے لئے عرب سربراہوں کو ریاض کی جانب سے دی جانے والی دعوت کو علاقے میں سعودی عرب کی فتنہ انگیز پالیسی کا حصہ قرار دیا ہے۔

حشمت اللہ فلاحت پیشہ نے بغداد میں امریکی سفارت خانے کے قریب راکٹ حملے اور علاقے کے حالیہ واقعات کا جائزہ لینے کے لئے ہنگامی اجلاس میں شرکت کے لئے عرب سربراہوں کو سعودی شاہ کی جانب سے دی جانے والی دعوت کی طرف اشارہ کرتے ہوئے کہا ہے کہ سعودی عرب، علاقے میں ایران کے خلاف اتحاد تشکیل دینے کی کوشش کر رہا ہے۔

سعودی شاہ سلمان بن عبدالعزیز نے عرب لیگ اور خلیج فارس تعاون کونسل کے رکن ملکوں کے سربراہوں کو دعوت دی ہے کہ وہ علاقے کے مختلف واقعات منجملہ سعودی آئل تنصیبات اور متحدہ عرب امارات کی الفجیرہ بندرگاہ پر حملے کے واقعات کا جائزہ لینے کے لئے تیس مئی کو تشکیل دیئے جانے والے دو ہنگامی اجلاسوں میں شرکت کریں۔

یہ بھی دیکھیں

ایرانی وزیر خارجہ کا یمن جنگ کو فوری طور پر بند کرنے کا مطالبہ

تہران (مانیٹرنگ ڈیسک)اسلامی جمہوریہ ایران کے وزیر خاجہ ڈاکٹر محمد جواد ظریف نے اپنے ٹویٹر …