منگل , 17 ستمبر 2019

بھارت کاجنگی جنون : ایک اور سٹیلائٹ خلاء میں بھیج دیا

نئی دلی(مانیٹرنگ ڈیسک) جنگی جنون میں مبتلا بھارت نے راڈار مانیٹرنگ اور زمین کی بدلتی جغرافیائی و موسمی صورت حال پر نظر رکھنے کے لیے نیا سیٹلائٹ خلاء میں بھیج دیا ہے۔بین الاقوامی خبر رساں ادارے کے مطابق بھارت کی خلائی تحقیقاتی ادارے ’اسپرو‘ (Indian Space Research Organization) نے آندرا پردیش کے خلائی بیس سے ایک سٹیلائٹ RISAT 2B کو پولر سیٹلائٹ لانچ وہیکل راکٹ کے ذریعے خلاء میں فائر کیا۔

بھارتی خلائی تحقیقاتی ادارے کی جانب سے جاری بیان میں کہا گیا ہے کہ سٹیلائٹ RISAT 2B راڈار ویڈیو خصوصیات کے حامل ایک ورلڈ مانیٹر سیٹلائٹ کی حیثیت رکھتا ہے اور اس سٹیلائٹ کو زراعت، جنگلات اور قدرتی آفات جیسے شعبوں میں استعمال کیا جائے گا۔سٹیلائٹ RISAT 2B اپنی جدید خصوصیات کے باعث گہرے بادلوں کے درمیان سے بھی زمین کی سطح پر نظر رکھ سکتا ہے اور دن و رات کے اوقات میں بھی صاف تصاویر بھیجنے کی اہلیت رکھتا ہے اور یہ رواں برس خلاء میں بھیجے جانے والا بھارت کا تیسرا سٹیلائٹ ہے۔

واضح رہے کہ یہ پہلا موقع نہیں جب خطے میں قیام امن کے دشمن بھارت نے شہری ضروریات اور قدرتی آفات سے بچنے کے بہانے سٹیلائٹ بھیجے تھے جن کا حقیقی مقصد صرف اور صرف جنگی برتری حاصل کرنا تھا۔

یہ بھی دیکھیں

شاہد خاقان عباسی پیرول پر رہا؛تایا کی نماز جنازہ میں شرکت کی مشروط اجازت

اسلام آباد(مانیٹرنگ ڈیسک)احتساب عدالت اسلام آباد نے شاہد خاقان عباسی کو تایا کی نماز جنازہ …