پیٹرولیم مصنوعات کی قیمتوں میں پھر اضافے کا امکان

اسلام آباد(مانیٹرنگ ڈیسک) پیٹرولیم مصنوعات کی قیمتوں میں 12 روپے فی لیٹر اضافے کا امکان ہے۔ذرائع کے مطابق پیٹرول کی قیمت میں ساڑھے 9 روپے فی لیٹر اضافے کا امکان ہے جبکہ ہائی اسپیڈ ڈیزل کی قیمت میں 11 روپے 50 پیسے اضافہ متوقع ہے۔ذرائع کا مزید کہنا ہے کہ لائٹ ڈیزل کی قیمت میں 7 روپے 85 پیسے اضافے کا امکان ہے جبکہ مٹی کا تیل بھی 12 روپے فی لیٹر مہنگا ہونے کا امکان ہے۔اضافے کی سمری 30 مئی کو وزارت خزانہ کو ارسال کی جائےگی جبکہ نئی قیمتوں کا اطلاق وزیراعظم کی مشاورت سے ہوگا۔