بدھ , 21 اگست 2019

سال 2000 سے اب تک 16500 فلسطینی بچے اسرائیل کی قید میں

یروشلم(مانیٹرنگ ڈیسک)غاصب صہیونی حکومت ستمبر دو ہزار اٹھارہ سے اب تک ساڑھے سولہ ہزار فلسطینی بچوں کو گرفتار کر چکی ہے۔فلسطینی قیدیوں سے متعلق تحقیقات کرنے والے ادارے کے سربراہ عبدالناصر فروانہ نے بتایا ہے کہ سن دو ہزار سے دو ہزار دس کے دوران اسرائیلی فوجیوں کے ہاتھوں گرفتار ہونے والے فلسطینی بچوں کا تناسب سات بچے سالانہ تھا جو گزشتہ آٹھ سال کے دوران بڑھ کر ساڑھے بارہ سو بچے سالانہ تک پہنچ گیا ہے۔

انہوں نے بتایا کہ اس وقت بھی ساڑھے چار سو فلسطینی بچے صیہونی حکومت کی مختلف جیلوں میں بند ہیں۔فلسطینیوں کے بارے میں تحقیقات کرنے والے مرکز نے اس سے پہلے اپنی رپورٹ میں بتایا تھا کہ انیس سو سڑسٹھ سے اب تک اسرائیلی فوجیوں نے مجموعی طور پر پچاس ہزار فلسطینی بچوں کو گرفتار کیا ہے۔

یہ بھی دیکھیں

مسجد اقصیٰ پر اسرائیلی دھاوے کھلی اشتعال انگیزی ہے:کویت

کویت سٹی (مانیٹرنگ ڈیسک)کویت نے مسجد اقصیٰ پریہودی آباد کاروں کے منظم دھاووں کی شدید …