بدھ , 11 دسمبر 2019

کفایت شعاری مہم: قومی اسمبلی سیکریٹریٹ کے اخراجات میں 63 کروڑ سے زائد کی بچت

اسلام آباد(مانیٹرنگ ڈیسک) حکومت کی کفایت شعاری مہم کے تحت پارلیمانی تاریخ میں پہلی بار قومی اسمبلی سیکریٹریٹ کے اخراجات میں 63 کروڑ سے زائد کی بچت کی گئی۔تفصیلات کے مطابق وزیر اعظم عمران خان کی ہدایت پر شروع کی جانے والی کفایت شعاری مہم کے نتائج سامنے آنے لگ گئے، موجودہ مالی سال کے دوران 63 کروڑ روپے سے زائد بچا لیے گئے۔

اسمبلی سیکریٹریٹ میں اسپیکر اسد قیصر کی ہدایت پر کفایت شعاری مہم پرعمل درآمد جاری ہے، سیکریٹریٹ نے بچت مہم سے وزارت خزانہ کو بھی آگاہ کر دیا۔اسمبلی کے مجموعی بجٹ کا 18 فی صد کفایت شعاری مہم سے بچایا گیا، یہ رقم تحائف، خاطر مدارت اور سفری اخراجات کی مد میں بچائی گئی، ارکان کے اندرون و بیرون ملک دوروں میں کمی سے بھی بچت ہوئی۔

اسپیکر قومی اسمبلی اسد قیصر کا کہنا ہے کہ موجودہ حکومت ملک کو معاشی بحران سے نکالے گی، ہمیں انفرادی سطح پر بہتری کی کوشش کرنی ہوگی۔اسد قیصر نے مزید کہا کہ پاکستان اس وقت مشکل دور سے گزر رہا ہے، ملکی ترقی کے لیے سب کو اپنا کردار ادا کرنا ہوگا۔

خیال رہے کہ اپوزیشن کی جانب سے قومی اسمبلی کے اسپیکر اسد قیصر پر تنقید کی جاتی رہی ہے کہ وہ اپوزیشن کو اسمبلی میں بولنے کی اجازت نہیں دیتے، ان کا اپوزیشن کے حوالے سے رویہ درست نہیں، مسلم لیگ ن ان کے استعفے کا بھی مطالبہ کر چکی ہے۔

یہ بھی دیکھیں

نیپرا نے بجلی 26 پیسے مزید مہنگی کر دی

اسلام آباد: نیشنل الیکٹرک پاور ریگولیٹری اتھارٹی (نیپرا) نے  فی یونٹ بجلی 26 پیسے مزید …