پیر , 19 اگست 2019
تازہ ترین

ٹیم اپنے دماغ میں ہار کا خوف نہ آنے دے، وزیراعظم کا ٹیم کو پیغام

اسلام آباد(مانیٹرنگ ڈیسک)وزیراعظم پاکستان اور ورلڈکپ 1992 کی چیمپیئن ٹیم کے کپتان عمران خان نے قومی ٹیم کو تجویز دی ہے کہ وہ شکست کا خوف دل سے نکال کھیلے۔سماجی رابطے کی ویب سائٹ پر ٹوئٹ کرکے وزیراعظم عمران خان نے قومی ٹیم کا حوصلہ بڑھایا۔وزیراعظم کا کہنا تھا کہ ‘میری آج ٹیم کو نصیحت وہی ہے جو میں اپنے کھلاڑیوں کو میچ سے قبل کہتا: اپنی 100 فیصد کارکردگی دکھاؤ، اپنے دماغ میں ہار کا خوف نہیں آنے دو، اپنی حکمت عملی پر غالب رہو، کھیل کی آخری گیند تک لڑو۔’ان کا یہ بھی کہنا تھا کہ پاکستان ٹیم کے کھلاڑی اور حمایتی قومی ٹیم کے کپتان سرفراز احمد کے ساتھ ہے۔

یاد رہے کہ وزیراعظم عمران خان 1992 ورلڈکپ جیتنے والی پاکستانی ٹیم کے کپتان تھے، اسی وجہ سے انہیں سیاست میں بھی ‘کپتان’ کے لقب سے پکارا جاتا ہے۔خیال رہے کہ پاکستان نے ورلڈکپ 2019 میں اپنی مہم کا آغاز ویسٹ انڈیز کے خلاف میچ سے کیا تاہم ٹیم نے اس میچ میں مایوس کن بیٹنگ کا مظاہرہ کیا۔

یہ بھی دیکھیں

قومی ٹیم کے کوچز کے لیے پی سی بی نے اشتہار دے دیا

لاہور(مانیٹرنگ ڈیسک)قومی ٹیم کے کوچنگ اسٹاف کو عہدوں سے فارغ کیے جانے کے بعد پاکستان …