بدھ , 26 جون 2019

شمالی کوریا کے سربراہ کے مقتول سوتیلے بھائی سی آئی اے کے ایجنٹ تھے

پیانگ یانگ (مانیٹرنگ ڈیسک)امریکی جریدے وال اسٹریٹ جرنل نے انکشاف کیا ہے کہ شمالی کوریا کے سربراہ کیم جونگ اون کے پُراسرار طریقے سے قتل کیے گئے سوتیلے بھائی کمی جونگ نام دراصل امریکی سی آئی اے کے ایجنٹ تھے۔شمالی کوریا کے سربراہ کے سوتیلے بھائی کا ایک بار ملک کی باگ ڈور سنبھالنے والوں کی ممکنہ افراد فہرست میں بھی نام آچکا ہے تاہم والد کے انتقال کے بعد کم جونگ اون نے یہ عہدہ سنبھال لیا اور یہیں سے دونوں کے درمیان اختلافات نے جنم لیا۔

اسی دوران دونوں بھائیوں کے درمیان اختلافات اور اقتدار کے حصول کے لیے کھینچا تانی کی خبریں بھی آتی رہی ہیں، اسی اثناء میں اچانک 2017 کو کوالالمپور کے ہوائی اڈے پر کم جونگ اون کے سوتیلے بھائی کا قتل ہوگیا۔

تحقیقاتی اداروں کا کہنا ہے کہ کیم جونگ نام کے چہرے پر دو خواتین نے اعصاب شکن اسپرے پھینکا تھا جس سے ان کی موت واقع ہوگئی۔ قاتل خواتین کا تعلق ویت نام اور انڈونیشیا سے تھا جنہیں عدم ثبوت پر حال ہی میں رہا کردیا گیا ہے۔

ادھر ذرائع کا دعویٰ ہے کہ کیم جونگ نام قتل کے وقت ملائیشیا میں موجود تھے جہاں سے انہیں سی آئی اے حکام سے ملنے امریکہ جانا تھا، اس سے قبل بھی کم جونگ نام کے سی آئی اے حکام سے ملاقاتوں کے شواہد موجود ہیں ۔

یہ بھی دیکھیں

جنرل لیبر یونین کی ‘صدی کی ڈیل’ کو فلسطین کے خلاف سازش اورخیانت قراردیا

تیونس (مانیٹرنگ ڈیسک)عرب ملک تیونس کی سب سےبری جنرل لیبریونین نے ‘صدی کی ڈیل’ کی …