بدھ , 26 جون 2019

امریکی ہتھیاروں کا تاجر ہوں، ہتھیار فروخت کرنا میرا کام ہے، ٹرمپ

واشنگٹن (مانیٹرنگ ڈیسک)امریکی صدر ٹرمپ نے کہا ہے کہ وہ امریکی ہتھیار فروخت کرنے کی کوشش کرر ہے ہیں وہ ہتھیاروں کے سوداگر ہیں۔امریکی صدر ٹرمپ نے سی این بی سی ٹیلی ویژن چینل سے اپنے ٹیلی فونی انٹرویو میں اس بات کا اعتراف کیا ہے کہ وہ امریکی ہتھیاروں کے تاجر ہیں اور وہ دیگر ملکوں کو بڑے پیمانے پر امریکی ہتھیار خریدنے کے لئے تیار کرتے ہیں-

ٹرمپ نے کہا کہ ہم دیگر ملکوں کے سربراہوں سے کہتے ہیں کہ تمہیں چاہئے کہ ہمارے بنائے ہوئے جنگی ہیلی کاپٹر خریدو اور اگر تم نے ایسا نہ کیا تو ہم ناراض ہو جائیں گے اور پھر ان ممالک کے سربراہان جنگی ہیلی کاپٹر اور ایف پینتیس جنگی طیارے خرید کر ہماری مدد کرتے ہیں-

اس سے پہلے فرانس پریس نے خبر دی تھی کہ ٹرمپ نے اپنے حالیہ دورہ جاپان اور دونوں ملکوں کے درمیان انجام پانے والے مذاکرات میں جاپان کے ہاتھوں ایک سو پینتیس ایف پینتیس جنگی طیارے فروخت کرنے کا معاہدہ طے پایا۔اگرچہ اس معاہدے کی مالیت کا ابھی اعلان نہیں ہوا ہے لیکن ذرائع کا کہنا ہے کہ ایک ایف پینتیس جنگی طیارے کی قیمت پچانوے ملین ڈالر سے لے کر ایک سو بیس ملین ڈالر تک ہے-

ٹرمپ نے جاپان پہنچتے ہی کہا تھا کہ امریکا اور جاپان کے درمیان تجارتی حجم کم ہوگیا ہے اور وہ جاپانی حکام پر دباؤ ڈالیں گے وہ امریکا سے ہتھیاروں کی خریداری کا حجم بڑھا دیں-واضح رہے کہ امریکی ہتھیاروں کی فروخت خاص طور پر سعودی عرب کے ہاتھوں امریکی ہتھیاروں کی فروخت پر انسانی حقوق کے اداروں نے شدید تنقید کی ہے-

یہ بھی دیکھیں

جنرل لیبر یونین کی ‘صدی کی ڈیل’ کو فلسطین کے خلاف سازش اورخیانت قراردیا

تیونس (مانیٹرنگ ڈیسک)عرب ملک تیونس کی سب سےبری جنرل لیبریونین نے ‘صدی کی ڈیل’ کی …