حالات جیسے بھی ہوں چین اور ایران کے دوستانہ تعلقات کا سلسلہ مضبوط رہے گا؛چینی صدر

بیجنگ (مانیٹرنگ ڈیسک)چین کے صدر شئی جین پنگ نے ایرانی صدرحسن روحانی کے ساتھ ملاقات میں کہا ہے کہ حالات جیسے بھی ہوں چین اور ایران کے قریبی اور دوستانہ تعلقات کا مضبوط سلسلہ جاری رہےگا۔

چینی صدر نے کہا کہ ایران ایک ذمہ دار ملک ہے اور مشرق وسطی میں رونما ہونے والے ہر مسئلہ کو ایران کے ساتھ جوڑنا حماقت اور بے عقلی کی علامت ہے۔ واضح رہے کہ امریکہ نے خلیج عمان میں دو تیل بردار کشتیوں پر حملے کا الزام ایران پر عائد کیا ہے جبکہ ایران نے امریکی الزام کو بے بنیاد اور جھوٹ پر مبنی قراردیتے ہوئے مسترد کردیا ہے۔