پیر , 23 ستمبر 2019

کویت کی تمام سیاسی قوتیں صدی کی ڈیل کے بائیکاٹ کے لیے متحد

کویت سٹی (مانیٹرنگ ڈیسک)کویت کی تمام سیاسی، مذہبی اور قومی جماعتوں نے حکومت سے مطالبہ کیا ہے کہ وہ صدی کی ڈیل کے امریکی منصوبے اور اسی ضمن میں 25 جون کو منامہ میں‌ہونے والی اقتصادی کانفرنس کے بائیکاٹ کا مطالبہ کیا ہے۔

کویت کی درجن بھر سیاسی اور مذہبی جماعتوں‌نے ایک مشترکہ بیان میں’صدی کی ڈیل’ کی سازش کے خلاف مشترکہ حکمت عملی اختیار کرنے کی ضرورت پر زور دیا ہے۔ کویت کی سیاسی جماعتوں جن میں اسرائیل سے تعلقات مخالف منبر، اخوان المسلمون کی اسلامی دستور پارٹی، کویتی ڈیموکریٹک پارٹی، نیشنل پیپلز موومنٹ، قومی میثاق پارٹی، عرب گروپ، کویت پروگریسیو موومنٹ، کویت لبرل پارٹی، سول کنزر ویٹو پارٹی، عوامی ایکشن گروپ، حب الوطن پارٹی، نیشنل الائنس پارٹی اور انصاف ومن سوسائٹی پارٹی نے دستخط کیے ہیں۔

بیان میں کہا گیا ہے کہ عرب ممالک کو منامہ کانفرنس میں شرکت کے لیے بلیک میل کیا جا رہا ہے۔ فلسطین میں معاشی خوشحالی کے سبز باغ دکھاکر فلسطینی قوم کو اس کےدیرینہ حقوق اور اصولی مطالبات سے محروم کرنے کی منظم سازش کی جا رہی ہے۔

بیان میں کہا گیا ہے کہ فلسطینی اتھارٹی اور دیگر فلسطینی دھڑوں‌نے منامہ کانفرنس میں شرکت کا بائیکاٹ کیا ہے۔ ایسے میں کسی دوسرے ملک کی طرف سے ایسی کسی کانفرنس میں شرکت فلسطینیوں کے خلاف عالمی امریکی،صہیونی سازش کی معاونت تصور کی جائےگی۔

یہ بھی دیکھیں

دشمن یمنی فوج کے انتباہ آمیز جواب سے سبق لیں اور یمن جنگ کو ختم کریں، صدر حسن روحانی

تہران (مانیٹرنگ ڈیسک)اسلامی جمہوریہ ایران کے صدر ڈاکٹر حسن روحانی نے کہا ہے کہ علاقے …