اتوار , 15 دسمبر 2019

اقوام متحدہ کا اسلام آباد کو فیملی اسٹیشن قرار دینا بہت بڑی کامیابی ہے، وزیرخارجہ

اسلام آباد(مانیٹرنگ ڈیسک) وزیرخارجہ شاہ محمود قریشی کا کہنا ہے کہ اقوام متحدہ کا اسلام آباد کو فیملی اسٹیشن قرار دینا بہت بڑی کامیابی ہے۔اسلام آباد میں میڈیا سے بات کرتے ہوئے کہا کہ وزیر خارجہ شاہ محمود قریشی کا کہنا تھا کہ 2008 میں میریٹ دھماکہ کے بعداقوام متحدہ نے اسلام آباد کو “نان فیملی اسٹیشن” قراردیا تھا لیکن اب اقوام متحدہ نے اسلام آباد کو دوبارہ فیملی اسٹیشن ڈیکلیئر کر دیا ہے جو بہت بڑی کامیابی اوربین الاقوامی اداروں کے پاکستان پراعتماد کا اظہار ہے۔

شاہ محمود قریشی نے کہا کہ یہ بہت اچھی خبر ہے جس پر فارن آفس کے ساتھ قوم کو مبارکباد پیش کرتا ہوں، اقوام متحدہ کے اس اقدام کا خیر مقدم کرتا ہوں اس سے سرمایہ کاری کو فروغ ملے گا۔وزیرخارجہ نے کہا کہ ہماری کوشش ہونی چاہیے کہ ہم سرمایہ کاری کو اور دو طرفہ تجارت کو بڑھائیں، ویزہ لبرلائزیشن سے امید ہے اقتصادی نقل وحرکت میں بھی بہتری پیدا ہوگی، ہمارا کاروباری کلائنٹس سے ملنے دبئی جاتا تھا اب وہ یہاں آسکیں گے۔

یہ بھی دیکھیں

زلمے خلیل زاد کی آرمی چیف، وزیرخارجہ سے ملاقاتیں، علاقائی سلا متی: افغان مصالحتی عمل پر تبادلہ خیال

اسلام آباد: پاک فوج کے سربراہ جنرل قمر جاوید باجوہ سے افغان مصالحت کیلئے امریکہ …