اتوار , 21 جولائی 2019

مراکش کا اچانک ‘بحرین کانفرنس’ میں شرکت کا فیصلہ

مراکش (مانیٹرنگ ڈیسک)مراکش کی حکومت نے سوموار کی شام اچانک اعلان کیا کہ وہ منگل کے روز خلیجی ریاست بحرین کی میزبانی میں منعقد ہونے والی اقتصادی کانفرنس میں شرکت کرے گا۔ مراکش کی وزارت خارجہ کی طرف سے جاری ایک بیان میں‌ کہا گیا ہے کہ حکومت نے سوموار کی شام مناما کانفرنس میں شرکت کا فیصلہ کیا ہے۔

بیان میں کہا گیا ہے کہ بحرین کے فرمانروا اور امریکا دونوں نے مراکش کی حکومت کو مناما میں ہونے والی علاقائی اقتصادی کانفرنس میں شرکت کی دعوت دی تھی جس کے بعد رباط نے اپنا وفد مناما روانہ کرنے کا اعلان کیا۔بیان میں مزید کہا گیا ہے کہ چونکہ مناما کانفرنس میں متعدد عرب ممالک، یورپی ممالک اور افریقی ملک شرکت کر رہے ہیں۔ اس لیے اس کانفرنس میں شرکت کرنے میں کوئی امر مانع نہیں۔

بیان میں مزید کہا گیا ہے کہ مناما کانفرنس میں شرکت کے باوجود مراکش فلسطین۔ اسرائیل تنازع کے دو ریاستی حل اور سنہ 1967ء سے پہلے کے آزاد فلسطینی علاقوں پر مشتمل خود مختار فلسطینی ریاست کی حمایت جاری رکھے گا۔مراکش مشرقی بیت المقدس کو نئی فلسطینی ریاست کا دارالحکومت بنانے کے مطالبے پر بھی بدستور قائم ہے جس میں کوئی تبدیلی نہیں آئی ہے۔

یہ بھی دیکھیں

آبنائے ہرمز میں ایرانی ڈرون کو مار گرایا: ڈونلڈ ٹرمپ کا دعویٰ

نیو یارک (مانیٹرنگ ڈیسک)امریکی صدر ڈونلڈ ٹرمپ نے دعویٰ کرتے ہوئے کہا کہ آبنائے ہرمز …