پیر , 9 دسمبر 2019

قطر کے 2 جنگی طیارے ٹکرا کر تباہ

دوحہ (مانیٹرنگ ڈیسک)قطر میں 2 جنگی طیارے تربیتی پرواز کے دوران آپس میں ٹکرا کر تباہ ہوگئے تاہم پائلٹس نے چھلانگ لگا کر اپنی جانیں بچالیں۔بین الاقوامی خبر رساں ادارے کے مطابق قطر فضائیہ کے دو طیاروں کے درمیان تربیتی اُڑان کے دوران خوفناک تصادم سے زوردار دھماکا ہوا اور طیاروں میں آگ بھڑک اُٹھی، جلتے ہوئے طیارے ہچکولے کھاتے ہوئے زمین بوس ہو کر مکمل طور پر تباہ ہوگئے۔

حادثے کے فوری کے بعد پائلٹس طیاروں سے بروقت چھلانگ لگا کر پیراشوٹ کے ذریعے زمین پر باحفاظت اتر گئے اور اپنی جانیں بچانے میں کامیاب رہے۔ ریسکیو اداروں نے امدادی کاموں کا آغاز کرتے ہوئے پائلٹس کو محفوظ مقام پر منتقل کیا۔واضح رہے کہ قطر کا العدید ایئر بیس جدید ترین جنگی جہازوں سے لیس جہاں سہولیات عالمی معیار کے ہیں ۔

یہ بھی دیکھیں

عراق میں بدامنی اس ملک کوسیاسی عدم استحکام کا شکار کرنے کی سازش

علامہ سید نیاز حسین نقوی کا کہنا ہے کہ بہت جلد عراقی عوام اپنے اتحاد …