جمعرات , 22 اگست 2019

اسرائیلی جیل میں فلسطینی نوجوان کی شہادت پر فلسطینیوں کا احتجاج

گذشتہ مہینے بیت لحم میں صیہونی بستی بیت فجار سے صیہونی فوجیوں نے فلسطینی نوجوان ماجد طقاطقہ کو گرفتار کرکے اسرائیلی جیل نیتسان کی کال کوٹھری میں ڈال دیا اور پھر جیل انتظامیہ نے اس پر اس قدر تشدد کیا کہ وہ شہید ہوگیا –

اسرائیلی جیل میں فلسطینی نوجوان کی مظلومانہ شہادت کے خلاف بدھ کو غرب اردن میں فلسطینیوں نے ریڈکراس کمیٹی کے دفتر کے باہر اجتماع کیا اور صیہونی حکومت کے وحشیانہ جرائم کو روکنے کے لئے عالمی برادری کے اقدامات کا مطالبہ کیا –

دوسری جانب صیہونی فوج نے فلسطینی شہید کی لاش کو ورثا کے حوالے کرنے سے بھی انکار کردیا ہے جبکہ صیہونی جیلوں میں صورتحال کشیدہ ہے – فلسطینی قیدیوں سے متعلق تنظیم نے فلسطینی نوجوان ماجد طقاطقہ کی شہادت کا ذمہ دار صیہونی حکومت کو قراردیا ہے –

حماس نے بھی صیہونی جیل میں اس فلسطینی نوجوان کی شہادت کی بین الاقوامی تحقیقات کا مطالبہ کیا ہے –

اس درمیان اطلاعات ہیں کہ صیہونی فوجیوں نے بدھ کو ایک بار پھر غرب اردن کے مختلف علاقوں پر حملہ کرکے کم سے کم انیس فلسطینیوں کو گرفتار کرلیا ہے –

یہ بھی دیکھیں

ایران یک طرفہ طور پر ایٹمی معاہدے کی پابندی کا سلسلہ جاری نہیں رکھ سکتا، صدر حسن روحانی

تہران (مانیٹرنگ ڈیسک)صدر مملکت حسن روحانی نے ایٹمی معاہدے پر عملدرآمد کی سطح میں کمی …