شیرخوار بہن کو ملبے سے زندہ نکالنے والی ننھی شامی بچی انتقال کرگئی

دمشق (مانیٹرنگ ڈیسک)شام کے علاقے ادلب میں امریکی طیاروں کی بمباری کے نتیجے میں ایک شامی خاندان ملبے تلے دب گیا، اس دوران ملبے سے ایک کم سن بچی ریحام نے زخمی حالت میں خود کو نکالا اور اس کے بعد اپنی شیرخوار بہن تقیٰ کو بھی ملبے سے نکال لیا۔ریحام کی ملبے سے نکلنے اوراس کے بعد اپنی بہن کو ملبے سے نکالنے کی تصاویر سوشل میڈیا پر جنگل کی آگ کی طرح پھیل گئیں اور لوگوں نے انہیں بہت زیادہ پسند اور شیئر کیا ہے۔

ننھی ریحام کی طرف سے نتائج کی پرواہ کیے بغیر اپنی بہن کی جان بچانے کی کوشش اور جذبے کو خراج تحسین پیش کیا گیا۔ریحام نے اپنی جان کی پرواہ کیے بغیر اپنی بہن کو بچا کر عالمی سطح پرداد تحسین حاصل کی تھی خود خود اسپتال میں علاج کی سہولت نہ ملنے پر سسک سسک کر دم توڑ گئی۔