جمعرات , 28 مئی 2020

بحرین کی شاہی حکومت کا انجام عراقی ڈکٹیٹر جیسا ہوگا؛ہادی العامری

بغداد(مانیٹرنگ ڈیسک)عراق کی سیاسی جماعتوں کے اتحاد الفتح نے دو بحرینی نوجوانوں کی پھانسی پر ردعمل ظاہر کرتے ہوئے کہا ہے آل حلیفہ حکومت کا انجام عراق اور لیبیا کے آمروں جیسا ہوگا۔ الفتح اتحاد کے سربراہ ہادی العامری نے دوبحرینی نوجوانوں کو پھانسی دے کے شہید کیے جانے کی شدید الفاظ میں مذمت کرتے ہوئے کہا کہ بحرین شاہی حکومت کا انجام بھی وہی ہوگا جو عراق میں صدام کا اور لیبیا میں قذافی کا ہوا ہے۔

ہادی العامری نے واضح کیا کہ بحرینی نوجوانوں کے خلاف ایسے ظالمانہ ہتھکنڈوں کے استعمال سے اس ملک کے عوام میں اسلامی اصولوں اور قدروں کی پاسدارای کا جذبہ اور بھی قوی ہوگا۔ قبل ازیں عراق کی تحریک نجبا اور حزب اللہ عراق نے بھی بحرینی حکومت کے ہاتھوں دو نوجوانوں کو پھانسی دے کر شہید کرنے کی شدید الفاظ میں مذمت کی تھی۔بحرین کی ظالم شاہی حکومت نے احمد الملالی اورعلی العرب نامی دو نوجوانوں کو ہفتے کی صبح پھانسی دے کر شہید کر دیا۔

یہ بھی دیکھیں

امریکی پولیس کے تشدد اور نسل پرستانہ رویہ کے خلاف عوامی احتجاج

امریکی ریاست مینے سوٹا کے علاقے مینیا پولس میں پولیس فائرنگ کے نتیجے میں ایک …