جمعرات , 4 مارچ 2021

ہانگ کانگ:مظاہرین آگ کیساتھ کھیلنے سے اجتناب کریں: چین کی وارننگ

بیجنگ(مانیٹرنگ ڈیسک) چین نے ہانگ کانگ میں مظاہرے کرنے والوں کو وارننگ دیتے ہوئے کہا کہ’’آگ سے کھیلنے سے اجتناب کریں‘‘۔غیر ملکی خبر رساں ادارے کے مطابق ہانگ کانگ میں نو ہفتوں سے مظاہرے جاری ہیں۔ مظاہرین اور پولیس اہلکاروں میں جھڑپوں کے بعد پولیس نے قریب 200 افراد کو حراست میں لے لیا تھا۔

بیجنگ کے ہانگ کانگ سے متعلق امور کے ترجمان یانگ گوآنگ نے مظاہرین کو تنبیہ کرتے ہوئے کہا ہے کہ’آگ سے کھیلنے سے اجتناب کریں‘۔ انہوں نے بظاہر امریکا کا بالواسطہ حوالہ دیتے ہوئے پس منظر میں رہتے ہوئے مظاہرین کی حمایت کرنے والوں کو بھی نتائج سے خبردار کیا۔

پریس کانفرنس کے دوران ان کا کہنا تھا کہ مظاہرے کرنے والے صورتحال کو خطرناک سطح پر لے جا رہے ہیں۔ ہمارے اٹوٹ انگ کو کمزوری نہ سمجھا جائے۔ اس کے لیے ہم کسی بھی حد تک جا سکتے ہیں۔ ہم پیپلز لبریشن آرمی کو ہانگ کانگ نہیں بھیجیں گے تاہم اس کے علاوہ بھی ہمارے پاس بہت سارے آپشن موجود ہیں جو آرمی سے بھی بڑے ہیں۔یاد رہے کہ آزادی سے قبل ہانگ کانگ برطانیہ کے زیر انتظام تھا جس کے بارے میں چین اب مؤقف رکھتا ہے کہ ہانگ کانگ ہمارا اٹوٹ انگ ہے۔

یہ بھی دیکھیں

اسرائیلی جنگی طیاروں کی لبنانی حدود میں دراندازی

غاصب صیہونی حکومت نے اقوام متحدہ کی سلامتی کونسل کی قرارداد 1701 کی خلاف ورزی …