ہفتہ , 21 ستمبر 2019

ایرانی وزیر خارجہ عالمی سامراج کے خلاف حق کی آواز ہیں : سید حسن نصراللہ

بیروت (مانیٹرنگ ڈیسک)حزب اللہ لبنان کے سربراہ سید حسن نصر اللہ نے کل رات اپنے پیغام میں امریکہ کی جانب سے ایران کے وزیر خارجہ پر پابندیاں عائد کرنے کی مذمت کرتے ہوئے ان کے ساتھ یکجہتی کا اعلان کیا۔لبنان کی عوامی اور انقلابی تحریک حزب اللہ کے سیکریٹری جنرل سید حسن نصر اللہ نے اسلامی جمہوریہ ایران کے وزیر خارجہ محمد جواد ظریف کے نام اپنے پیغام میں کہا ہے کہ آپ عالمی اداروں میں حق کی آواز اور عالمی سامراج کے مقابلے میں حق و حقیت کے ترجمان ہیں۔

سید حسن نصر اللہ نے ایران کے وزیر خارجہ کے ساتھ یکجہتی کا اظہار کرتے ہوئے کہا کہ لبنان کے عوام جواد ظریف کے خلاف امریکی پابندیوں کے خلاف اور جواد ظریف کے ساتھ ہیں۔حزب اللہ کے سیکریٹری جنرل نےایران کے خلاف امریکی پابندیوں کی جانب اشارہ کرتے ہوئے کہا کہ امریکہ جو 2006 میں اسلامی مزاحمت کے خلاف شکست سے دوچار ہوئی کس طرح ایران جیسے بڑے اور طاقتور ملک کے مقابل آ سکتا ہے۔

سید حسن نصر اللہ نے امریکہ کی قومی سلامتی کے مشیر جان بولٹن کی جانب سے ایران کو دھمکی دینے کی جانب اشارہ کرتے ہوئے کہا کہ جان بولٹن کو اپنی زندگی میں ابھی تک کوئی کامیابی نہیں ملی۔واضح رہے کہ امریکہ نے 31 جولائی کو ایران کے وزیر خارجہ محمد جواد ظریف کا نام اپنی پابندیوں کی فہرست میں ڈال دیا تھا۔

یہ بھی دیکھیں

ایرانی وزیر خارجہ کا یمن جنگ کو فوری طور پر بند کرنے کا مطالبہ

تہران (مانیٹرنگ ڈیسک)اسلامی جمہوریہ ایران کے وزیر خاجہ ڈاکٹر محمد جواد ظریف نے اپنے ٹویٹر …