اتوار , 15 ستمبر 2019

وزیر خارجہ شاہ محمود قریشی نے سوئیڈش ہم منصب سے رابطہ:کشمیر کی صورت حال پر بات چیت

اسلام آباد(مانیٹرنگ ڈیسک) وزیر خارجہ شاہ محمود قریشی نے سوئیڈش ہم منصب سے رابطہ کیا ہے، دونوں رہنماؤں میں مقبوضہ کشمیر کی صورت حال سمیت خطے میں امن و امان سے متعلق بات چیت ہوئی.تفصیلات کے مطابق وزیر خارجہ نے سوئیڈش ہم منصب مارگوٹ وال سٹروم کو مطلع کیا کہ بھارت کے اقدامات نے پورےجنوبی ایشیا کو خطرات سےدوچار کر دیا.

انھوں نے کہا کہ مقبوضہ کشمیرمیں مسلسل کرفیو کی وجہ سے زندگیاں اجیرن ہوگئی ہیں، لاک ڈاؤن سے ادویات، خوراک کی عدم دستیابی کا سامنا ہے، بھارت کااقدام سلامتی کونسل کی قراردادوں کی خلاف ورزی ہے.بھارت مقبوضہ کشمیرمیں انسانی حقوق کی خلاف ورزیوں کا مرتکب ہورہا ہے، جنوبی ایشیا میں ایک نیا انسانی المیہ جنم لیتا دکھائی دے رہا ہے.

سویڈن کی وزیر خارجہ نے اس صورت حال پر تشویش کا اظہار کرتے ہوئے کہا کہ انسانی حقوق کی خلاف ورزیوں کی جامع تحقیقات ہونی چاہییں.سوئیڈش وزیر خارجہ نے کہا کہ مقبوضہ کشمیرکے تنازع کا فیصلہ کشمیری عوام کی رائے کے مطابق ہونا چاہیے، مقبوضہ کشمیرکی تمام صورت حال پرنظر رکھےہوئے ہیں، فریقین افہام وتفہیم سےمعاملات حل کریں.

یہ بھی دیکھیں

ن لیگ، پی پی اور پی ٹی آئی کا ایل او سی کی طرف مارچ نہ کرنے کا متفقہ فیصلہ

مظفر آباد(مانیٹرنگ ڈیسک) (ن) لیگ، پی ٹی آئی اور پیپلز پارٹی آزاد کشمیر نے ایل …