اتوار , 22 ستمبر 2019

کاروبار کیلیے پرائیویٹ کریڈٹ بیوروز کو ڈیٹا فراہم کرنا لازم قرار

اسلام آباد(مانیٹرنگ ڈیسک) کاروباری اداروں کیلیے اسٹیٹ بینک آف پاکستان کے لائسنس یافتہ پرائیویٹ کریڈٹ بیوروز کو ڈیٹا کی فراہمی لازمی قرار دینے کا فیصلہ کیا گیا ہے۔وفاقی حکومت نے کاروبار میں آسانیاں پیدا کرنے کیلیے جاری اصلاحات کے تحت مالیاتی اداروں،ریٹیلرز، ٹیلی کام کمپنیوں ،یوٹیلٹی کمپنیوں سمیت دیگرکاروباری اداروں کیلیے اسٹیٹ بینک آف پاکستان کے لائسنس یافتہ پرائیویٹ کریڈٹ بیوروز کو ڈیٹا کی فراہمی لازمی قرار دینے کا فیصلہ کیا ہے۔ یہ پرائیویٹ کریڈٹ بیوروز اس ڈیٹا کی بنیاد پر ملک میں ویلیو ایڈڈ سروسز فراہم کر سکیں گے جس کیلیے جلد باضابطہ طور پر نوٹیفکیشن جاری کردیا جائے گا۔

اسٹیٹ بینک آف پاکستان نے 2 کمپنیوں میسز ڈیٹا چیک لمیٹڈ اور میسز ایکوئلٹیز انفارمیشن سروسز لمیٹڈ کو پرائیویٹ کریڈٹ بیورو کے لائسنس جاری کردیے ہیں اور یہ 2 لائنسنس یافتہ کریڈٹ بیوروز اپنا بزنس شروع کرنے کیلیے لائسنس کی اہلیت کے معیار اور رولز اینڈ ریگولیشن کے تحت درکار فارملٹیز مکمل کرنے کے پراسیس میں ہیں۔

یہ بھی دیکھیں

معیشت بحران سے نکل کر استحکام پر پہنچ چکی: مشیر خزانہ

اسلام آباد(مانیٹرنگ ڈیسک)  وفاقی حکومت کی معاشی ٹیم نے نیشنل بینک آف پاکستان (این بی …