اتوار , 22 ستمبر 2019

صوبہ بابل میں عراقی فوج کا سرچ آپریشن شروع

بغداد(مانیٹرنگ ڈیسک)عراقی سیکورٹی فورس کے خصوصی آپریشن گروپ نے صوبہ بابل کے نواحی علاقوں میں دہشت گردوں کے خلاف سرچ آپریشن شروع کردیا ہے۔عراقی فوج کی فرات کمانڈ کے ڈپٹی کمانڈر، جنرل سجاد الاسدی نے بتایا کہ صوبہ بابل میں جرف الصخر اور اس سے محلقہ علاقوں میں جاری سرچ آپریشن کا مقصد یوم عاشورہ پر زائرین اور عزاداروں کی سیکورٹی کو یقینی بنانا ہے۔اس آپریشن میں فوج کے ساتھ، عوامی رضاکار فورس حشدالشعبی کے دستے بھی حصہ لے رہے ہیں۔

قبل ازیں عراق کے وزیر داخلہ یاسین الیاسری نے اعلان کیا تھا کہ سید الشہدا حضرت امام حسین علیہ السلام کی عزاداری اور عزاداروں کے تحفظ کے خصوصی سیکورٹی پلان پر عملدرآمد شروع کردیا گیا ہے۔ہر سال نو اور دس محرم کی عزاداری میں شرکت کے لیے، اندرون عراق اور ایران سمیت دنیا بھر کے ملکوں سے دسیوں لاکھ زائرین کربلائے معلی پہنچتے ہیں۔

یہ بھی دیکھیں

دشمن یمنی فوج کے انتباہ آمیز جواب سے سبق لیں اور یمن جنگ کو ختم کریں، صدر حسن روحانی

تہران (مانیٹرنگ ڈیسک)اسلامی جمہوریہ ایران کے صدر ڈاکٹر حسن روحانی نے کہا ہے کہ علاقے …