بدھ , 23 اکتوبر 2019

پاکستان میں بہت پیار اور محبت دینے والے لوگ ہیں، کانگریس سربراہ شرد پوار

نئی دہلی(مانیٹرنگ ڈیسک)  بھارتی نیشنل کانگریس پارٹی کے سربراہ شرد پوار نے کہا ہے کہ پاکستان میں بہت پیار اور محبت دینے والے لوگ ہیں، پاکستان کے دورے پر گئے تھے تو ان کا استقبال بہت گرمجوشی سے کیا گیا تھا۔تفصیلات کے مطابق ممبئی میں پارٹی کارکنوں سے خطاب کرتے ہوئے شرد پوار نے کہا کہ اس بات میں کوئی صداقت نہیں کہ پاکستان میں لوگ ناخوش ہیں بلکہ بھارت کی ایک خاص پارٹی کا پاکستان اور مسلمانوں کے خلاف بنائے گئے بیانیے کا مقصد سیاسی فائدہ تھا۔

شرد پوار نے کہا کہ بھارت میں پاکستان کے متعلق جتنا بھی منفی پروپیگنڈا کیا جاتا ہے اس کی پس پشت سیاسی مقاصد ہوتے ہیں، بھارت میں پاکستان سے متعلق انتہائی غلط رائے قائم ہے، ایسے بیانات محض سیاسی فائدے کے لیے دئیے جارہے ہیں جبکہ پاکستانی بہت پیار اور محبت دینے والی قوم ہے۔

انہوں نے کہا کہ بھارتی کرکٹ بورڈ کے صدر کی حیثیت سے پاکستان کا دورہ کیا تھا اور وہ خود پاکستانیوں کی مہمان نواز کے گوا ہیں۔نیشنل کانگریس پارٹی کے سربراہ نے کہا کہ مقبوضہ کشمیر کی خصوصیت حیثیت ختم کرنا مودی حکومت کا غلط اقدام ہے۔شرد پوار کے بیان کے بعد بھارتی میڈیا ان کے خلاف ہوگیا ہے اور ان کو پاکستانیوں کے حق میں بیان دینے پر شدید تنقید کا نشانہ بنایا جارہا ہے۔واضح رہے کہ شرد پوار بھارتی ریاست ممبئی کے وزیراعلیٰ اور مرکزی وزیر بھی رہ چکے ہیں، وہ انٹرنیشنل کرکٹ کونسل کے صدر بھی رہ چکے ہیں۔

یہ بھی دیکھیں

امریکی فوجیوں کو عراق میں ٹھہرنے کا کوئی حق نہیں

بغداد: امریکی فوج کو شام سے خارج ہوکرعراق میں ٹھہرنے کا کوئی حق نہیں ہے۔ …