جمعہ , 21 فروری 2020

بھارت کی مودی کے جہاز کو پاکستانی فضائی حدود استعمال کرنے کی درخواست

نئی دلی(مانیٹرنگ ڈیسک) بھارتی حکومت نے وزیراعظم نریندرا مودی کے جہاز کو پاکستانی فضائی حدود استعمال کرنے کی درخواست دے دی۔بھارتی وزیراعظم نریندرا مودی پاکستانی فضائی حدود استعمال کرکے امریکا جانے کے خواہشمند ہیں اور اس سلسلے میں بھارتی حکومت کی جانب سے پاکستان حکومت سے درخواست کی گئی ہے کہ نریندرا مودی کے جہاز کو پاکستان کی فضائی حدود استعمال کرنے کی اجازت دی جائے۔

سفارتی ذرائع کا کہنا ہے کہ بھارت کی جانب سےدرخواست باضابطہ طور پر گزشتہ ہفتے دی گئی جس میں کہا گیا ہے کہ نریندرمودی 20 ستمبر کو پاکستانی فضائی حدود سے گزر کر امریکا جانا چاہتے ہیں لہذا پاکستان کی فضائی حدود استعمال کرنے کی اجازت دی جائے۔واضح رہے اس سے پہلے پاکستان نے بھارتی صدر کے طیارے کو پاکستانی فضائی حدود کے استعمال سے متعلق اجازت نہیں دی تھی۔

یہ بھی دیکھیں

بھارت کے ساتھ کوئی بڑا تجارتی معاہدہ نہیں ہوگا؛ ٹرمپ

پاکستانی وزیراعظم کے معاون خصوصی زلفی بخاری کی بریفنگ پر چین میں موجود پاکستانی طلباء …