Iblagh News | حقائق تک رسائی اور ان کا ابلاغ
بنوں: صوبہ خیبرپختونخوا کے شہر بنوں میں پولیس نے منشیات کی اسمگلنگ ناکام بنا دی، کامیاب کارروائی کے نتیجے میں بڑی مقدار میں منشیات برآمد ہوئی۔
تفصیلات کے مابق بنوں میں گاڑی کے خفیہ خانوں سے چرس اور افیون اسمگل کرنے کی کوشش ہوگئی، ملزمان گرفتار کرلیے گئے، جن سے مزید تفتیش کی جارہی ہے۔
ڈسٹرکٹ پولیس آفیسر یاسر آفریدی کو خفیہ ذرائع سے اطلاع ملی تھی کہ بنوں میرانشاہ روڈ پر بڑی مقدار میں منشیات سمگل کرنے کی کوشش کی جا رہی ہے جس پر ایس ایچ او کینٹ طارق محمود خان نے بنوں میرانشاہ روڈ پر باران پل کے علاقہ آزاد منڈی کے مقام پر ناکہ بندی کی۔
پولیس کا کہنا تھا کہ اس موقع پر چیکینگ کے دوران ایک موٹر کار کی خفیہ خانوں سے بڑی مقدار میں منشیات برآمد کی گئی جس میں 9ہزار 715گرام چرس اور 2ہزار 70گرام آفیون شامل ہے۔
پولیس نے موقع پر گاڑی میں موجود 2 مبینہ ملزمان کو گرفتار کرلیا اور موٹر کار کو قبضے میں لے کر ملزمان ڈرائیور جاوید خان اور شائیدل خان ساکنان میر علی شمالی وزیرستان سے تفتیش شروع کردی۔
ڈی ایس پی کینٹ مراد علی خان نے میڈیا کو بریفنگ دیتے ہوئے کہا کہ منشیات معاشرے میں ایک لعنت ہے ہمیں ڈی پی او کی طرف سے سخت ہدایات دی گئیں ہیں کہ منشیات فروشوں اور منشیات اسمگلروں کے خلاف سخت کارروائی عمل میں لائی جائے۔
اُنہوں نے عوام سے بھی اپیل کی کہ منشیات فروشوں کے خلاف پولیس کو اطلاع دیں اُن کا نام صیغہ راز میں رکھا جائے گا۔
