جمعہ , 18 اکتوبر 2019

شارجہ، ہولناک ٹریفک حادثے میں پاکستانی شہری سمیت 2 افراد جاں بحق

شارجہ: متحدہ عرب امارات کی ریاست شارجہ میں گاڑی اماراتی ڈرائیور سے بے قابو ہوگئی جس کے نتیجے میں پاکستانی شہری سمیت 2 افراد جاں بحق ہوگئے۔

تفصیلات کے مطابق شارجہ کے علاقے خورفقان میں تیز رفتار کار راہگیر سے ٹکرا گئی جس کے نتیجے میں پاکستانی شہری سمیت 18 سالہ اماراتی نوجوان زندگی کی بازی ہار گئے۔

رپورٹ کے مطابق حادثہ آج صبح 8 بجکر 20 منٹ پر پیش آیا، ریسکیو اداروں نے حادثے میں زخمی پاکستانی شہری کو اسپتال منتقل کیا جہاں وہ زخموں کی تاب نہ لاتے ہوئے چل بسا۔

حادثے میں جاں بحق ہونے والے اماراتی ڈرائیور کی عمر 18 سال بتائی گئی ہے جبکہ پاکستانی شہری کی عمر 44 سال تھی تاہم اس کی شناخت ظاہر نہیں کی گئی ہے۔

واضح رہے کہ گزشتہ ماہ 30 ستمبر کو دبئی میں منی بس اور ٹرک میں خوفناک تصادم ہوا تھا جس کے نتیجے میں 8 افراد ہلاک ہوگئے تھے، جاں بحق ہونے والوں میں پاکستانی ڈرائیور بھی شامل تھا۔

یاد رہے کہ رواں سال جون میں دبئی میں خوفناک ٹریفک حادثے کے نتیجے میں 2 پاکستانی شہری سمیت 17 افراد ہلاک ہوگئے تھے۔

رواں سال فروری میں شارجہ میں ہولناک ٹریفک حادثے کے نتیجے میں بھارتی سیاح جوڑا ہلاک اور 5 افراد زخمی ہوگئے تھے۔

یہ بھی دیکھیں

جاپان: خوفناک سمندری طوفان میں 65 ہلاکتوں کی تصدیق

ٹوکیو: جاپان کے وسطی اور شمالی علاقوں میں آنے والے تباہ کن سمندری طوفان ‘ہیگی …