بدھ , 13 نومبر 2019

ایران کی دفاعی توانائیوں نے دشمن سے ہر طرح کی جرائت چھین لی ہے، جنرل باقری

تہران: اسلامی جمہوریہ ایران کی مسلح افواج کے کمانڈر نے کہا ہے کہ ایران کی دفاعی توانائی نے دشمن کو ہر طرح کی جارحیت کا ارتکاب کرنے سے باز رکھا ہے۔

ایران کی مسلح افواج کے سربراہ جنرل محمد باقری نے اس بات کا ذکرکرتے ہوئے کہ دفاعی توانائی نے دشمن سے ہرطرح کی جارحیت کے ارتکاب کی جرائت چھین لی ہے کہا کہ دشمن کو یہ جان لینا چاہئے کہ اگر ایران کی سرحدوں پر جارحیت کا ارتکاب کیا تو اس کو ایران کی انتہائی مقتدر اور طاقتور فوج کا سامنا کرنا پڑے گا۔
جنرل باقری نے فوجی کمانڈروں اور جوانوں کے ایک اجلاس سے خطاب کرتے ہوئے کہا کہ ایران کی مسلح افواج نے پوری تاریخ میں یہ ثابت کیا ہے کہ وہ کسی بھی ملک کے خلاف جارحانہ عزائم نہیں رکھتیں لیکن جارحیت اور جارحانہ عزائم کا منہ توڑجواب دیتی ہیں۔
انہوں نے اس بات کا ذکرکرتے ہوئے کہ دشمنوں کی سازشوں کے مقابلے میں ایران کی مسلح افواج کی ذمہ داریاں سنگین ہیں کہا کہ دشمنوں کی دھمکیوں اور خطرات کے مقابلے میں استقامت اور پائیدار امن کی برقراری اور کارآمد دفاعی توانائیوں کی تقویت جیسے امور مسلح افواج کی سنگین ذمہ داریوں میں شامل ہیں۔
ان کا کہنا تھا کہ آج ایران کے دشمنوں کو اس بات کا یقین ہوگیا ہے کہ اگر انہوں نے ایران کے سلسلے میں کوئی حماقت کی تو انہیں ناقابل تلافی نقصانات کا سامنا کرنا پڑے گا۔

یہ بھی دیکھیں

متحدہ عرب امارات:موسلا دھار بارش میں سڑکیں تالاب بن گئیں

ابوظہبی: متحدہ عرب امارات ميں بارش سے معمولات زندگی متاثر ہيں، جہاں وقفے وقفے سے …