سانحہ تیز گام پر دنیا بھر سے تعزیتی پیغامات

 

رحیم یار خان میں تیز گام ایکسپریس حادثے پر دنیا بھر سے تعزیتی پیغامات کا سلسلہ شروع ہوگیا۔

ترکی کے صدررجب طیب اردوان نے قیمتی جانوں کے ضیاع پر رنج و غم کا اظہار کیا۔

اپنے ویڈیو پیغام میں انہوں نے کہا کہ ’اپنے ملک کی طرف سے، میں پاکستان کے عوام، دوستوں اور بھائیوں سے گہری تعزیت کا اظہار کرتا ہوں‘۔

I would like to extend my condolences to the 65 victims, who lost their lives in the train fire in Pakistan, and wish a speedy recovery to the wounded survivors.

On behalf of my country, I extend my deepest condolences to the people of Pakistan — our friends and brothers. 🇹🇷 🇵🇰 pic.twitter.com/l1ziWgdnyG

— Recep Tayyip Erdoğan (@RTErdogan) October 31, 2019

کینسنٹن پیلس سے برطانوی شہزادے ولیم اور ان کی اہلیہ کیتھرائن کیٹ مڈلٹن نے بھی سانحہ تیز گام پر تعزیتی پیغام ارسال کیا۔

انہوں نے کہا کہ ’ابھی ہم پاکستان کے دورے سے واپسی آئے ہیں اور رحیم یار خان میں تیز گام ٹرین میں پیش آنے والی المناک واقعہ کے بارے میں سن کر غمزدہ ہیں‘۔

انہوں نے کہا کہ ’ہماری ہمدردیاں اور دعائیں متاثرین اور ان کے اہلخانہ کے لیے ہیں‘۔

The Duke and Duchess of Cambridge have sent a message to the President of Pakistan following the tragic fire on the Tezgam train near Rahim Yar Khan.https://t.co/WJZocOZRCK

— The Prince and Princess of Wales (@KensingtonRoyal) October 31, 2019

پاکستان میں چین کے سفارتخانے کی جانب سے سانحہ تیز گام پر گہرے افسوس اور متاثرہ افراد کے اہل خانہ سے دلی تعزیت اور ہمدردی کا اظہار کیا گیا۔

انہوں نے کہا کہ ’رحیم یار خان کے قریب لیاقت پور میں کراچی-راولپنڈی تیز گام ایکسپریس میں آگ لگنے کے افسوسناک حادثے پر سفارتخانہ غمزدہ ہے‘۔

علاوہ ازیں انہوں نے غمزدہ اہلخانہ سے دلی تعزیت کی اور ہمدردی کا اظہار کرتے ہوئے زخمیوں کی جلد صحتیابی کی دعا کی۔

Terrible news out of Rahim Yar Khan about the heartbreaking train accident today. I send my deepest condolences to the families of the passengers and the people of #Pakistan. AGW

— State_SCA (@State_SCA) October 31, 2019

واضح رہے کہ کراچی سے راولپنڈی جانے والی تیز گام ایکسپریس میں پنجاب کے ضلع رحیم یار خان کے قریب گیس سلنڈر پھٹنے سے آتشزدگی کے باعث 74 افراد جاں بحق جبکہ 30 سے زائد مسافر زخمی ہوگئے۔

ٹرین کو حادثہ صبح 6:15 منٹ پر پنجاب کے ضلع رحیم یار خان کی تحصیل لیاقت پور میں چنی گوٹھ کے نزدیک چک نمبر 6 کے تانوری اسٹیشن پر پیش آیا۔