اسرائیل نے ایک بار پھر فلسطین پر شدید بمباری کر دی

اسلام آباد(مانیٹرنگ ڈیسک) آج صبح اسرائیلی فضائیہ نے غزہ میں پانچ مختلف  مقامات پر بمباری کی تاہم کسی جانی نقصان کی اطلاع نہیں  موصول ہوئی۔

مقامی ذرائع کے  مطابق صیہونی فضائیہ نے ہفتے کی صبح سویرے غزہ میں پانچ مختلف مقامات پر بمباری کی ،  اسرائیلی فضائیہ نے  اسرائیلی سرحدکے قریبی علاقے بیت لاھیہ  میں القسام بریگیڈ سے تعلق رکھنے والی ایک عمارت پر حملہ کیا تاہم عمارت خالی تھی ، خانیونیس اور بیت لاھیہ ہی کے ایک اور مقام جہاں حماس کی چوکی بتائی جارہی ہے اس پر بھی بمباری کی تاہم وہاں بھی کسی جانی نقصان کی اطلاعات موصول نہیں ہوئیںاسرائیلی فوج کی جانب سے جاری ایک بیان میں کہا گیا ہے کہ گزشتہ روز غزہ کے سرحدی علاقوں سے اسرائیلی اراضی میں  راکٹ فائر کئے گئے تھے جس کے  جواب میں کارروائی کی گئی۔