پیر , 21 ستمبر 2020

‘داعش’ نے اجتماعی قتل عام اور قیدیوں کو ذبح کرنے کا بھیانک سلسلہ پھر شروع کردیا

‘داعش’ نے اجتماعی قتل عام اور قیدیوں کو ذبح کرنے کا بھیانک سلسلہ پھر شروع کردیا
لیبیا میں ‘داعش’ گروپ کی طرف سے قتل عام کی نئی ویڈیو جاری

شدت پسند گروپ ‘داعش’ یرغمال بنائے گئے لوگوں کو بے دردی اور بھیانک طریقے سے موت کے گھاٹ اتارنے کی وجہ سے مشہور ہے مگر عراق اور شام میں اس گروپ کی شکست کے بعد لوگوں کو ذبح کرنےیا اجتماعی طور پر قتل کرنے کے واقعات تقریبا ختم ہوگئے تھے۔

العربیہ ڈاٹ نیٹ کے مطابق’داعش’ نے ایک بارپھر قیدیوں کو ذبح کرنے اور انہیں موت کے گھاٹ اتارنے کا بھیانک سلسلہ شروع کردیا ہے۔

لیبیا میں ‘داعش’ سے وابستہ گروپ نےایک نئی ویڈیو جاری کی ہے جس میں سرکاری ملازمین اور دیگر یرغمال بنائے گئے افراد کو بے دردی کے ساتھ موت کے گھاٹ اتارتے دکھایا گیا ہے۔

یہ واقعہ جنوبی لیبیا کے الفقہاء کے علاقے میں پیش آیا جہاں ‘داعش’ کے جنگجوئوں نے یرغمال بنائے گئے متعدد افراد کو ذبح کیا جب کہ کئی افراد کو فائرنگ سکواڈ کے سامنے کھڑا کرکے ہلاک کردیا گیا۔

یہ ویڈیو فوٹیج’ داعش’ کے آن لائن پروپیگنڈہ چینل’اعماق’ پر پوسٹ کی گئی ہے۔ اس ویڈیو کے لیے’اخرجوھم من حیث اخرجوکم'(تم انہیں وہاں سے نکالو جہاں سے انہوں نے تمہیں نکالا) کا عنوان دیا گیا۔ 31 منٹ کی اس طویل فوٹیج میں داعشی دہشت گردوں کو یرغمال بنائے گئے افراد کے ساتھ ذلت آمیز طرز عمل اختیار کرتے دکھایا گیا ہے۔ فوٹیج میں دیکھا جا سکتا ہے کہ ‘داعش’ کے جگجوئو متعدد افراد کو ایک صحرائی علاقے میں سروں میں گولیاں مار کر قتل کرتے ہیں۔ ان کے ہاتھ باندھے گئے ہیں۔ اسی فوٹیج کے ایک دوسرے منظر میں ایک صحرائی علاقے میں متعدد افراد کو وحشیانہ طریقے سے ذبح کیا جا رہا ہے۔

 

یہ بھی دیکھیں

عبدالمجید اچکزئی کی بریت کا فیصلہ بلوچستان ہائی کورٹ میں چیلنج

کوئٹہ: محکمہ پولیس بلوچستان نے عبدالمجید اچکزئی کی بریت کے فیصلہ کو بلوچستان ہائی کورٹ …